新正頭天寒地凍,唔知係咪真係凍過龍,好多有病喺身嘅人或者老人家都頂唔住!就以上市公司圈子計,繼先排盈進(1386)個主席,同埋隆成(1225)個副主席之後,噚晚新世界發展(017)出通告,宣佈非執行董事鄭裕培(即係彤叔鄭裕彤個親細佬)噚日與世長辭。
根據公司年報顯示,細彤叔幾年嘅培叔,喺1970年起出任新世界董事,同時佢仲係周大福企業董事。
培叔雖然係順德聯誼總會永遠名譽會長、順德市政協,但為人頗低調,根據資料顯示,1954年佢由鄉下順德落嚟香港拍住大佬搵食,極鍾意捐錢返鄉下做善事回饋祖家,由教育、老人院以至修橋鋪路乜都有捐,100%係善心爆棚嘅長者,華華喺呢度祝願佢早登極樂,並向彤叔講聲節哀順變!