老樸最後1分鐘入波，我「符碌」中3串1
一、二號門將齊傷，AC阿仙奴鬥殘？
NBA明星賽，淨睇第4節已好好睇
馬賽鋒線銳，下半季要留神
東尼好勁？漢諾威後防曳就真！
最新動態
輸畀英冠下游班士利，對住無敵意甲班霸國米冇得揮？好多人包括美國班主，已忘記了賓帥在3年前曾替紅軍（當時前者未入主），奇迹地在半場落後3球下，將AC米蘭穩執的歐聯冠軍獎盃拿走。這個世界已沒有幾多個費Sir同雲格，此處不留人，自有留人處；你看前車仔主帥摩連奴，在加納睇非國盃幾爽！
美國老細支票任開，賓帥自義不容辭，季前同已被炒的前熱刺主帥祖爾一樣，瘋狂掃貨，其實大家細想國米少帥文仙尼何嘗不想，只不過意大利球壇規模今非昔比，焗住培育新秀才試出彩虹。可惜，賓帥今屆冇雲格咁好運，「中堅希望」丹尼爾艾格長期養傷，再靠老退的希比亞同加歷查形同計時炸彈，新貨金童費蘭度托利斯同荷蘭新希望賴恩巴布，尚在適應期，古積特跌watt同不喜重用高治，成紅軍反覆主因。
打工仔最忌同老細過唔去，無論能否再捧歐聯，賓帥離開似是遲早問題，不過薑是老的辣，仍有7位歐聯冠軍功臣壓陣的紅軍，論球員同領隊嘅大賽經驗，主場點會怕國米。
文：蘋果波神
英超波癡有一個心願，5月話你知！
http://hk.myblog.yahoo.com/appleballmen/