港股走勢反反覆覆，仲係等緊新消息。恒指昨日升咗363點，但係成交唔夠800億，今日點變就要睇昨晚花旗股市重開嘅走勢。
美國幾間大嘅債保商好似要陸續玩分拆，將地方政府嘅債券同其他結構性投資產品分開，表面睇係好嘅安排，實情並唔係咁，因分拆之後結構性投資產品嘅評級肯定會跌到落「垃圾級」，到時銀行盤賬又要撇撇撇！花旗股市會點？諗吓都驚。
國內雪災後通脹急升，但係股市照升，「六行三保」齊齊炒上，不過保險股好似唔多夠力，短炒都係吼番銀行股。
中行C輪9246：中行（3988）昨收3.3元，升咗7.8巴仙，升勢同成交都好勁，升破3.5元就睇3.8元以上，可以諗吓隻C輪9246，隻輪昨收45仙，槓桿率7.3倍（有效4.2倍），如果正股升上3.8元，9246可見77仙，正股跌穿3.12元止蝕。