郭富城前晚喺亞洲國際博覽館為演唱會做延續篇，由於呢次嘅水池面積擴大咗，佢進行濕身誘惑時，第一晚已經俾觀眾自備嘅水槍射中隻眼，為咗保護雙眼，工作人員喺第二晚立即準備咗潛水鏡畀城城戴，咁樣可以唔使擔心雙眼喺混亂中受傷。攝影師黃岳泰前晚捧場，佢大讚好睇：「城城今次演出精采，絕冇冷場，唔睇就走寶。」