淫照風暴之厚此薄彼<br>「因為佢哋當時係情侶」志偉同情BoBo冷對阿嬌

淫照風暴之厚此薄彼
「因為佢哋當時係情侶」志偉同情BoBo冷對阿嬌

疑似藝人淫照女主角鍾欣桐(阿嬌)昨晚亮相無綫籌款節目,演出前惹來觀眾及網友投訴,而曾被傳跟阿嬌所屬英皇老闆不和的曾志偉,昨日對阿嬌亮相表現冷淡,反而最同情另一捲入淫照風波的女主角陳文媛(BoBo),志偉說:「我最同情BoBo,因為佢哋當時係情侶。」

疑似淫照女主角鍾欣桐,昨晚在事件後首次上電視表演,出席無綫於將軍澳電視廣播城舉行的《雪中送暖》節目,為內地受雪災影響的同胞籌款,但她演出前已令無綫接獲170宗投訴,狂轟無綫不應找形象盡毀的阿嬌演出。原本阿嬌昨晚與蔡卓妍合唱《連帶關係》,但臨時改唱《相愛六年》,事有湊巧,疑似阿嬌淫照橫跨01至06年,時間上也剛好六年。
為《雪中送暖》擔任司儀的曾志偉,昨午與鄭裕玲等出席節目拜神儀式,對於阿嬌遭投訴,志偉說:「無綫會處理,其實做善事,冇所謂,有心做唔應該拒絕。」對於阿嬌的「太儍太天真」言論,志偉說:「𠵱家係一個經理人年代,好多時自己唔識處理,我哋以前80年代自己照顧自己,𠵱家佢哋都交畀公司處理,我不便評論。」

阿嬌(左)演出慈善節目曾遭觀眾投訴,但她昨晚仍與阿Sa在無綫獻唱《相愛六年》籌款。

陳冠希與陳文媛曾是圈中半公開的情侶。 資料圖片

知事嚴重
冇講過移花接木

有記者問志偉昨晚見到阿嬌後會說甚麼,他說:「每個藝人明白自己處境,大家唔知情,我最同情係BoBo(陳文媛),因為佢哋當時係情侶。(有否聯絡BoBo?)大家心裏都知,唔會騷擾佢。」
有指身為演藝人協會會長的譚詠麟在今次事件上做得不夠,身為演協名譽會長的志偉否認道:「唔覺得,我哋當時話過交畀警方處理,我哋知事態嚴重性,當時只係一個開始,亦知會擴大到今時今日,所以講香港人嘅悲哀,娛樂圈嘅悲哀,𠵱家唔止一件淫照事件,仲涉及警方、派別、傳媒等問題,我哋個會一直冇講過移花接木。」志偉此言似乎暗寸阿嬌所屬的英皇在事件發生後曾指照片是移花接木一事。

明踩暗褒
封奇拿俠盜羅賓漢

志偉續說:「今次係羅賓漢事件,羅賓漢對小朋友嚟講係俠盜,佢偷番嚟嘅嘢派畀大家,收嘅人當然話好、話支持,但佢嗰啲係偷、係盜,大家收嗰啲係賊贓,大家要面對是非黑白。」
有傳疑似藝人淫照男主角陳冠希割脈,志偉不大相信地說:「大家係成年人,過咗18歲就要為自己做過嘅事負責任,尤其是陳冠希,佢梗係要負責,佢可以唔同公眾交代,但佢應該同啲女仔交代。」

志偉助宋芝齡劈冰時,痛得呱呱大叫,疑似爆粗。 電視圖片

疑似爆粗
志偉堅稱冇可能

昨晚宋芝齡於劈冰籌款環節時,一度未能把冰劈開,志偉遂見義勇為上前用膝頭鋤落冰塊上,痛得他呱呱大叫,期間志偉疑似爆粗說:「好X痛!」不少網友亦就此在網上議論紛紛。不過,事後志偉卻矢口否認直播時爆粗,他說:「冇可能,痛就真係好痛,但我冇爆粗。」
此外,問嘟嘟對阿嬌被投訴虛偽看法時,她只說:「呢啲相好private(私人),陳冠希最唔啱係亂咁攞部電腦出去整,如果報道正確,佢應好好保護啲相,件事牽涉咁多女仔,濫交都係唔啱,佢哋自己私下嘅事,其他人冇權批評,亦唔涉及佢哋工作,搵都係搵偷相嗰啲人,唔應該睇完啲相,攞人哋身體評頭品足。」
嘟嘟又說:「自己電腦壞咗都會搵人上屋企整,仲要自己喺隔籬睇住,雖然冇乜特別嘢,但好多personal嘅嘢。」問嘟嘟有沒有拍過這些照片,她沒好氣說:「你話呢!」
採訪:楊潔雯 攝影:仇志德

嘟嘟認為濫交最不該,但仍指照片乃私人事,無權批評。

話你知:羅賓漢伸張正義

俠盜羅賓漢(RobinHood)是家喻戶曉的英國小說傳奇人物,以行俠仗義聞名於世,他所率領的綠林好漢,專打劫不法商人及權貴,並將所得財產全分給窮人,他又不畏強權,往往為平民百姓伸張正義,是名副其實「小朋友的偶像」。由於羅賓漢形象正面,也是近年電影、劇集和漫畫的題材,如荷李活巨星奇雲高士拿(KevinCostner)早年在電影《羅賓漢》中便扮演過這位英雄人物。