哄動全城的淫照風波，已經持續了24日，每日事件都有新發展，傳聞不絕。前晚林建岳的豐德麗控股有限公司，在尖沙嘴洲際酒店舉行春茗聯歡晚宴，旗下不少藝人出席，春茗席間更播出陳冠希（Edison）主演的電影《神槍手》的片段。雖然有藝人爆響口指公司下令不准多提淫照事件，但仍有人表示支持同屬林建岳旗下的Edison，其中楊千嬅更坦言擔心Edison的人身安全。
楊千嬅：越講越亂
楊千嬅：「老闆下令我哋唔好再講咁多，怕越講越亂，大家都係成年人，有自己嘅交代方法，50萬追殺令，好似金庸小說咁，不過應該返嚟交代，其實我都有擔心佢嘅人身安全，公司亦考慮到呢個問題，不過呢啲嘢係冇辦法求證。」
三太：我唔會影
賭王三姨太陳婉珍：「我唔識電腦，不過有朋友喺手機度畀我睇過其中三張相，我覺得呢啲係私人嘢。呢啲相我唔會影，仔女都無影過。我有同啲仔女講過，佢哋係名人之後，更加要慎言謹行，影響唔到自己，都會影響身邊人，最緊要係自律，我有叫佢哋唔好玩icq，佢哋都冇玩。」
四太：仲鍾意Twins
賭王四姨太梁安琪：「Sabrina（長女超盈）都好鍾意影相，呢啲咪當教育，乜嘢叫啱，乜嘢叫唔啱。」她又續說：「我仍然鍾意Twins，我唔止天真，仲好幼稚，我鍾意任何嘢唔會咁易改變。我又唔覺得男嘅特別衰，你哋唔好畀咁多壓力佢，唔係佢唔敢返嚟喇，啲相都唔知係乜嘢情況下影嘅。」
農夫：否認受累
農夫：「一切事由Edison返到嚟先算，有啲嘢係冇辦法求證，有人話我哋嘅演唱會取消，係冇咁嘅事，只不過係我哋要拍電影先，今年內一定會做。」
邵美琪：小心報應
邵美琪：「我係呢行嘅人，都會代入佢哋度，會覺得好唔開心，希望發出來啲人有報應，咁做有乜嘢好處？只係要令人唔開心，當事人應該唔好咁唔開心，唔好俾人影響到，不過拍拖都要清醒啲，要保護自己，影呢啲相又唔係靚，唔明點解要咁做，可能想試下新相機嘅quality啩，真係唔明。」
吳文忻：斬嗰度囉
吳文忻表示不明神秘人為何會選擇買兇斬手，她說：「點解會買手而唔買佢嗰度，佢最鍾意露嗰度就斬嗰度囉，祝佢好運啦，其實佢應該盡快返香港交代件事，除非佢諗住一世都唔返啦！」
