今年2月和3月都有長假期，同樣只有19個交易日，有散戶認為08年上半年，應以這兩個月份最難玩，因幕後大戶如何部署好難捉路。
究竟是否言之成理？星俠答你唔到。不過，有長假期的月份，若遇上股海氣氛唔好，散戶入市態度的確會變得審慎，尤其近月美國次按危機令股市升銳跌速，十分波動，股民自然暫時抽身而出，睇定形勢才算。
現價買入睇3.4元
參考恒指及H指走勢圖，形態以後者略佳，估計3月前中資股表現會較好，因3月份大陸將召開「兩會」、台灣又有總統選舉。
資源股整體走勢見改善，鋼鐵股表現尤其不俗，市場預期內地雪災將為相關股份提供新商機。
當中不銹鋼主要原材料「鎳」估計亦會受惠今次災後重建。
中國鎳資源（2889）主要業務是鐵礦石貿易，以及在中國大陸從事生產和銷售特殊鋼產品。
中鎳現價可買，首目標睇3.40元，以2元作止蝕位。