溫碧霞（Irene）在去年聖誕節時，於內地推出了個人首張國語EP《美麗人生》，由於反應不俗，所以再加印於情人節期間推出，Irene日前接受電話訪問時說：「呢張唱片係講愛，我覺得喺情人節呢個時候推出，浪漫之餘仲好配合主題。」
大讚保養佳
早前Irene分別去了重慶、合肥、北京各地為新碟展開宣傳活動，她發覺自己增添了不少年輕fans，她說：「我問過啲十幾歲嘅fans點解會識得我，原來佢哋睇過我以前拍嘅電視劇，不過啲fans以為我係電視藝員，唔知原來我都識唱歌，其實我以前喺香港都出過四張唱片，反而今次張國語EP就係第一次出。」
Irene表示在內地做宣傳時，遇見不少台灣歌手，其中一個是林志穎，她說：「估唔到林志穎個樣咁多年都冇變過，仲係有張babyface，我有同佢講話佢個樣唔識老，佢又讚番我，話我同以前一樣咁靚呀！」
撰文：林妃