近年無綫經常安排情侶檔藝人出席商業活動搵真銀，繼黃宗澤與胡杏兒後，昨日又安排另一對緋聞情侶曹敏莉與黃長興一起出席商場活動，不過兩人表現得很避忌，又否認是情侶，所以情人節男方堅稱並沒有送花給女方，他更表示難忘當年在法國度過的第一個情人節。
港姐曹敏莉與黃長興戀上後，兩人一直很低調，從未公開承認過戀情，但地產商卻打他們主意，昨日新鴻基地產公司旗下的大埔新達廣場舉行「元宵情人夢」宣傳活動，特別邀請兩人一起出席，而曹母都有現身活動。
冇綵排拒絕合唱
原本大會希望他倆可以在台上合唱一曲，但卻變成各自唱一首歌，事後曹敏莉表示：「因為冇時間綵排，所以我同佢咪各自唱囉！」問到上周四情人節有沒有收到黃長興所送的鮮花？曹敏莉笑說：「情人節我哋三姊妹都有收花，今年屋企幾旺桃花，但我所收嘅花署名係匿名人士，根本唔知係邊個，咁都好嘅！唔知邊個送，咪唔使諗咁多囉！」記者轉身問黃長興這匿名者是不是他？黃長興說：「唔係我，情人關係先會送花，朋友關係又使乜送呀！」
難忘首個情人節
黃長興指當年第一個情人節是在法國歡度，那個晚上他與女友享受燭光晚餐，又帶備鮮花，過得很浪漫和難忘。問到剛過去的情人節是否與曹敏莉一起度過？黃長興說：「唔係！呢日我係喺工作中度過。」曹敏莉同樣表示情人節當日要開工，並無任何慶祝活動。
採訪：葉雪