教育局噚日登報請人，官僚架構自我膨脹請人好平常，最奇嘅係聘請職位係「教育署高級助理署長」，月薪有134,250元，合約為期三年。
八方記得教育署喺03年1月1日，已經同當時嘅教育統籌局（現為教育局）合二為一，莫非教育署暗中翻生，政府要請人返工？
八方向教育局查詢，原來教育署唔係翻生，廣告寫嘅「教育署高級助理署長」只係一個職級，正式職銜係教育局副秘書長，主要負責課程改革及加強語文教育，頂替今年年底約滿返澳洲老家嘅現任副秘書長王啓思。見微知著，小小一個廣告就見到官僚做嘢幾僵化，既然教育署都冇咗，點解唔將個職級正名呢？