正當娛樂圈被「淫照風暴」籠罩之時，一班歌手藝人楊千嬅、劉心悠和EO2成員Otto則代表健康派，昨早參加一年一度的馬拉松比賽，雖然於天光前出發，但各人仍大呼過癮。同是參加10公里賽事，劉心悠比千嬅跑得快，險勝3分多鐘。
每年一度的「渣打香港馬拉松」昨早舉行，今年開設新賽道，馬拉松（42.195公里）和半馬拉松（21.0975公里）由尖沙嘴彌敦道近金巴利道路段開跑；10公里賽事則由東區走廊近北角城市花園路段起跑，三項賽事均途經東廊，終點為維園，吸引很多健兒參加。
上年跑完面青
昨天參賽的藝人楊千嬅、劉心悠和EO2成員Otto均參加10公里賽事，大夥兒在寒冷的清晨起跑，千嬅和劉心悠更是素顏參賽，大家也跑畢全程，精神奕奕。根據大會公佈的成績，千嬅以1小時19分44秒完成賽事，劉心悠則比千嬅快少許，以1小時16分39秒抵終點，至於Otto則在1小時04分完成。
三人完成比賽即不停喝水和吃生果補充水份，雖然累極仍不忘說笑，Otto指大家似跑數多於跑步，還對千嬅說：「你唔化妝都幾靚，你上年跑完面青。」千嬅則笑指他膚色黑似非洲人。
劉心悠今年成績比去年慢了1分鐘，她說：「今次唔使跑隧道，但好多斜路，所以有啲難度，好難控制速度。中段跑到腰痛，所以停咗一陣休息。其實次次跑都會有咁嘅情況，醫生話冇問題，只要跑慢番少少就得，身體係接受到嘅，所以我都好希望出年可以繼續跑。」
多暗斜添難度
事後千嬅表示：「今年比較辛苦，東廊多暗斜同大風啲，朝早5點40分開跑，個天黑麻麻跑步，似走佬一樣，但今次比上次準備多啲，感覺好好。我經常都有跑步健身，做吓運動都幾好。我覺得如果壓力大嘅人可以做運動，真係可以減壓，而且做運動真係會上癮。」跑完10公里，千嬅最想跟母親嘆早茶，她說：「阿媽話煲咗雞腳湯畀我補番。」
另外，EO2成員沒有跟Otto一起比賽，Otto說：「大家嘅興趣唔同，但藝人就貪呢啲，做嘢有目標，而且公司傳聞會喺8月幫我哋搞騷，所以𠵱家當練習。今日特別開心，可以喺東廊跑，平時只可以揸車經過。」
採訪、攝影：王連連