有錢仔歌手「呆佬」都算情深意重，雖然佢個女朋友「阿嗲」呢輪發生咗單影相事件，但佢一樣冇離棄佢，仲叫佢搬埋嚟佢屋企住，對佢呵護備至，真係超級好男友。
好多人都以為阿嗲呢排一定好失落，但見過佢兩個喺屋企相處嘅人，就發現情況又唔係咁喎，原來阿嗲一啲事都冇，仲唔知幾堅強，至於呆佬唔單止愛錫女友，仲覺得女友冇做錯任何事，只係怪阿嗲嗰個前男友唔啱。
勸乖仔分手
不過呆佬媽咪就唔係咁諗，話晒佢都係長輩，思想唔同，佢以前真係當阿嗲係新抱仔，但發生咗呢件事之後，佢媽咪就勸個仔唔好同佢一齊，但個仔就唔肯，搞到佢媽咪都好唔開心。
Textby關仁