一年一度嘅德國ECHO音樂大獎，噚日喺柏林舉行，雖然頒獎禮嘉賓以歐洲歌手為主，不過今屆大會就請咗澳洲天后KylieMinogue擔任表演嘉賓，而英國男歌手JamesBlunt同《TheXFactor》女新人王LeonaLewis亦有份助興。
當晚Kylie以一貫性感姿態上台載歌載舞，成為全晚焦點，至於JamesBlunt則帶埋自己隊樂隊到場演出，最後佢更贏得最佳國際搖滾/流行藝人大獎，可謂威到盡。另外，Kylie被傳媒問到日前點樣度過情人節時，感情未有着落嘅佢，坦然冇男伴約出街，Kylie話︰「我已經開始唔理情人節，嗰日我只係同一班女性朋友度過。」