陳冠希牽涉的淫照風波席捲全球，由他擔任代言人的商品紛紛「急凍」合作關係，有些更一刀兩斷，可謂屋漏兼逢連夜雨，繼早前牛仔褲名牌Levi's透過律師提出中止合約及賠償要求、Manhattan信用卡腰斬廣告等不利消息後，瑞士腕錶品牌JACOB&Co.也表示不會與Edison續約。
品牌代理丘雪祺昨日在灣仔會展出席婚紗展覽活動時說：「公司不嬲今年都想搵一個女仔，其實呢件事發生之前，Edison嘅合約已經完咗，佢啲廣告相亦都冇用。」問到她會否擔心被Edison拖累品牌形象時，她說：「件事大家都唔想發生，focus唔係淨係喺主角身上，係牽涉到道德標準，唔可以淨係怪佢，有人偷咗佢啲相，佢自己都唔想形象受損。」
婚紗商等約滿
此外，Twins有份擔任代言人的法國婚紗，昨日在婚紗展上依然張貼了不少鍾欣桐的廣告相作招徠，巿場經理鄭小姐說：「會密切留意英皇動向，睇下佢哋做完TVB騷之後嘅反應，其實佢哋張約5月就會完，通常約滿後好少搵番同一個。」會否抽起Twins的照片？她說：「冇影響，佢係我哋硬照代言人，公司都係buy佢靚女，唔同廸士尼有小朋友，sofar都冇影響。」
採訪，攝影：顏英儀