上個禮拜喺主場贏咗班霸阿積士嘅洛達，肯定大振士氣兼信心十足，今周繼續有主場之利，對手亦只係近績麻麻嘅中游分子川廸，洛達呢個平手盤真係全日最吸引。
疑似藝人淫照事件亦都好吸引，上晝行過書報攤便利店，全港所有娛樂八卦雜誌都用淫照做封面，蔚為奇觀；下晝再行過，全部賣晒，個大雜誌架淨係擺兩本旅遊刊物，又係蔚為奇觀！
今年冬天破唔破到40年嚟凍得最耐嘅紀錄，仲有幾日至知，各大報章頭版連載呢單新聞嘅日數之長，相信已經打破咗紀錄。
讓球：洛達（平）
心得：贏完班霸可延強勢
近5場往績：贏贏輸輸輸
華度
賭波贏到一場，贏到一日，贏到一個禮拜，贏唔到一世，幫到你嘅就係咁多。