話咁快就過咗農曆新年，今年拜年嘅話題，離不開係藝人淫照，男男女女坐埋就猛咁討論。雖則新正頭講埋啲鹹濕嘢唔係咁好，但鬼叫自己同班朋友及同事都咁八卦，加上係城中熱話，唔通討論花旗國總統大選咩！有朋友仲有個爛gag，話𠵱家證明咗啲相係真，但如果係假，搞嗰個肯定叫「Edit神」。
查實英超都好多性醜聞，好似曼聯C朗被踢爆約埋隊友玩雜交，俾個舞小姐唱佢孤寒，但佢鹹唔鹹濕唔關我事，總之踢到好波就得。今晚曼聯對阿仙奴，博前者反底，想睇多啲就揭翻去AA2。
讓球：曼聯（上）
心得：唔信曼聯連輸3場盤
近5場往績：贏輸輸輸輸
青蛙仔
睇德國波同埋英國波大，大個之後攻埋日本波，兼且對日本藝能界幾有研究。