近日發生的疑似藝人淫照事件，堪稱是本港開埠以來、數一數二的轟動娛聞，成為全港市民熱話。隨着事態每日變動，圈中人也日日有意見。
何韻詩：𠵱家還好
唉！（Edison）應該盡快返嚟，希望件事盡快平息，再講得多，只會沒完沒了。我只可以講，BoBo（陳文媛）𠵱家還安好，我聯絡到佢，同佢直接對話，知道佢係ok嘅。
周慧敏：終要承擔
希望佢哋自強，要面對，阿嬌做番自己承擔嘅事情係正確方法。大家都唔好再講，低調啲，等佢哋有番啲空間。
孫耀威：影衰娛圈
都唔知講乜嘢好，但好多人問起呢件事，其實令人好心痛，因為香港娛樂圈畀人有唔好感覺，大家應該團結一致，唔好衰畀人睇。
林海峰：寫稿分心
近排天氣嚴寒，加上新年假期，再加埋百年難得一遇嘅淫照及不雅照片，令一個專注力差嘅人，克服唔到困難去寫稿，我係掛住搵奇拿，希望幾晚之後可以搵到佢，我都係跟黃Sir（助理警務處長黃福全）講。我個騷會兩個半鐘講晒呢件事，雖然大家都話呢件事好厭，不過大家唔好呢度食、呢度屙去怪責一啲人，因為大家都有睇過啲相。
