畢傑呢個禮拜心碎了，足球界永遠嘅第一偶像朗拿度斷腳要面臨收山，作為佢天字第一號fans，聽完呢個消息真係黯然咗一陣。記得第一次認識朗拿度，係喺一個英文嘅足球節目入面，收錄嘅係肥哨喺高士路同燕豪芬嘅超高技術及把握力，即刻令我印象難忘。之後朗拿度轉會巴塞，我就開始一直昅實呢位超級偶像嘅蹤影。
肥哨雖然面臨掛靴，但我眼中仍然係全球最好波嘅球員；畢傑唯一心願係朗拿度可以過檔我最愛嘅球會祖雲達斯，踢一場都夠。今期揀肥哨第一間西甲球會巴塞贏波。
主客和：巴塞隆拿勝
心得：巴塞要追皇馬
近5場往績：走輸贏輸贏
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。