選美出身嘅「假鼻小姐」，一直唔認自己整過容，早排佢去做埋近年好流行嘅啪骨美容，佢千叮萬囑叫師傅唔好掂佢個鼻，因為佢個鼻曾經「受過好大嘅創傷」，咁嘅理由都畀佢諗得出，關仁真係服咗佢。假鼻小姐選完美之後，本來冇乜人理佢，但因為識得博出位，呢一兩年突然間人氣升咗好多，加上識得擦鞋，冧掂三色台嘅數字小姐畀佢做埋親生女，主持、拍劇工作接踵而來，不過佢嘅工作態度極差，乜嘢預備工夫都唔做，本來冇乜天份嘅佢，仲要即場打天才波，梗係搞唔掂啦，結果搞到啲同事為咗佢，成日要開OT，好多人一提起佢就擰晒頭，假鼻小姐搞到自己咁神憎鬼厭，遲早冇運行。
Textby關仁