情人節收花乃身份象徵？沒花收的姊妹們，會否想想辦法自我製造假象？AZ1網上大爆，情人節有花店員工送花到其女同事座位時竟說：「小姐，你買嘅花送咗嚟！」AZ1大叫：「我已經忍笑咗三個鐘，好辛苦呀！」其他同事也不敢望她，「怕見到我哋個忍笑樣！」
網友高呼「好好笑」、「𤓓爆」、「好瘀」，大部份人均忍俊不禁，「咪成個下晝搵窿捐？」。藍蜻蜓：「我實冇面目留低，放大假避開吓！」網友炮轟「貼錢買難受」，「邊有咁無聊？錢多咩？出風頭都唔係咁！」網友斥：「冇男友唔係罪，點解要花證明自己？」MU-Lost提醒：「咁唔小心呀！訂花時用男仔名，收花個名用自己嘛。」
有網友懷疑她可能遭同事整蠱：「睇落似玩嘢」、「送花嗰個同佢有仇？靠害？」、「可能係誤會，一扎花咁貴嚟威一陣，買件衫好過！」還是灰姑娘較善良：「佢好可憐，係咪年年收花，今年散咗就安慰自己？」
http://www21.discuss.com.hk/viewthread.php?tid=6450301&extra=&page=1
《蘋果》網聞請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：mailto:[email protected]