阿仔快四歲，假如是早熟神童，會跟我討論床照風波，有機會出現這種三級對白：
「到底他們搞乜鬼嘢？我唔覺好睇，是不是我唔正常？」
「你對明星肉體無興趣，喜歡火車頭和反斗車王多過阿嬌和栢芝，問題不大。親密性行為通常不會公開，外人很難睇穿別人搞邊科，查實亦冇乜好睇。如果可以揀，睇大象上床可能更精采。」
「那個哥哥姐姐點解俾人鬧？係咪犯錯，咁警察叔叔做乜唔拉佢？」
「警察拉了偷照片的人，沒有拉拍照片的人。偷犯法，拍不犯法，偷拍犯法。下載照片唔屬於偷和偷拍，但聽講都犯法，要睇一哥心情。」
「睇照片要唔要坐監？我未夠十八歲喎。」
「用一哥執法的邏輯，你入冊的機會頗高，可能成為最年輕便要接受通櫃的監躉。」
「什麼叫通櫃？」
「就像Chick故意撞埋TheKing車尾那樣，你想像自己就是車尾那個部份。」
「什麼叫做淫照？」
「視乎國情，剝光豬唔一定淫，着晒西裝笑淫淫口擘擘向領導人打躬作揖博握手那個樣，就超BJ！」