「我覺得黃福全好慘，點解有志者（意指鄧竟成）自己唔出嚟，叫佢出嚟講？」入行三十年的黃福全在淫照風暴中每次公開回應，總是招來全城狂轟，老差骨應算是大器晚成，還是晚節不保？有網民替他不值，認為警隊的錯失應由處長鄧竟成負責，而非卸膊給下屬。
黃福全被指作風浮躁
預科畢業後直接考入督察，今年約51歲的黃福全，其警務生涯以刑事偵緝為主。見慣古惑仔的他，作風難免有點浮躁；由２月４日拘獲疑犯後記者會上狂妄揚言已捉拿源頭，至後期撤銷控罪的黑口黑面死撐到底，充份顯示了一位典型CID性格。
當過少年警訊教官，做過商業罪案調查科長官，黃福全一向是下屬口中的好好先生：「佢份人好隨和，仲好飲得，成日同一班夥計去酒吧消遣，打成一片；但係佢又好公私分明，噚晚劈到三更半夜，第二朝七點就戙喺差館。」一名熟悉黃sir的警務人員說。
曾經急着出來邀功的警務處處長鄧竟成，昨日沒有亮相，一切交由黃福全承擔。不僅網民替黃抱不平，連下屬也深表不公：「下屬好愛戴佢，佢平時講嘢係輕佻咗啲，但係成件事佢只係幫一哥擋子彈。佢有句口頭禪：『既然有機會喺埋一齊，就有一種緣份。』」黃福全又怎能料到，新春期間與一群「疑似藝人」結下這段孽緣。
本報記者