【本報訊】「我一直都唔會叫啲客人用電藥煲㗎，煎藥梗係用明火好啦。」電藥煲方便又不用「睇火」，但有中醫師指出，以明火煎藥較能控制火候，而且不同的藥材，放入煲內煎熬次序不一，以電藥煲則難以掌握當中次序，影響藥效。
煲藥其實也是一門學問，中醫師關之義說，以明火煲藥可自行操控火候，以免藥材遭煲燶或未夠熟透：「煲得太滾可以熄細啲火，唔夠就開大啲。」
不同藥有不同煮法
他又說，不同藥材性質不一，故放落藥煲的次序也不同，例如膠類藥材包括鹿膠等，是要先將其他藥材煲透後，隔去藥渣，最後才放入鹿膠，其間更要不停以筷子攪拌：「如果係用電藥煲嘅話，全部一次過放入去冚蓋嚟煲，又點做到呢啲步驟呢？」
電藥煲多會自動煲藥至一碗水，不過，他說「一碗水」並非唯一標準，部份中醫師會按藥性，要求將藥煲一段指定時間，如30分鐘等，故明火煎熬相對較易掌握煲藥時間。他說以明火煲藥也較傳統：「咁話晒我哋都係咁煲咗幾千年啦。」