新年貼揮春一啲都唔出奇，奇就奇在貼張揮春喺車度，仲要係超搞鬼同阿Sir打招呼嗰隻至出奇吖嘛！自問手毛筆字唔見得人，唔係就可以應節又搶收視，Cool到暈喇！
早排新正頭逛開街，突然喺某個禁區見到部車車頭放咗兩張揮春超搶眼，行埋啲睇發現車主超有創意，揮筆寫咗兩句車主心聲，分別係「阿Sir手下留情請勿抄牌 唔該」同「阿Sir請勿抄牌」，有車人士一定非常同意吧，值得讚嘅係親筆寫夠誠意吖嘛！之不過大家要自覺，泊車咪亂嚟，不過咁唔知會唔會更加引起阿Sir注意呢？
文、攝：梁美甜
手寫揮春博唔抄牌，夠創意，最好就梗係守法啦！