昨天是情人節，一眾電影《花花型警》演員包括鍾嘉欣、黃又南及譚俊彥等齊集銅鑼灣鬧巿，向途人派玫瑰，吸引不少自由行爭相搶奪，其間鍾嘉欣更遭遊客迫埋身狂拍照，場面混亂，弄得她要節節後退。事後鍾嘉欣笑謂：「我冇嚇親，但個個埋嚟搶都好猴擒！」
鍾嘉欣、黃又南及譚俊彥昨日在銅鑼灣街頭，宣傳即將上映電影《花花型警》。適逢昨日是情人節，故眾人特意在鬧巿派發紅玫瑰應節。
請追求者食檸檬
當鍾嘉欣手執一籃玫瑰派發時，大批自由行遊客即時湧上，伸手搶花及瘋狂拍照，場面混亂。鍾嘉欣為求自保，惟有一邊後退一邊派花，好不忙亂；其間一位男士本站在鍾嘉欣附近投注目禮，見記者們拍照，他即施展「極速攝位大法」，埋身拍照博見報。
昨日是鍾嘉欣農曆年後首日開工，即面對如此混亂場面，雖然未有被「博懵」，但也令她膽戰心驚，她說：「好彩啲玫瑰花已經掹咗刺，我冇嚇親，不過見到個個埋嚟搶都好猴擒，自己都會小心啲。」她表示雖然有追求者，但情人節卻選擇與一班朋友度過，她說：「有人約，但都想專注事業先，所以做住朋友先。」鍾嘉欣續說：「未入行前情人節曾經收過11支花，但派花都係第一次，以前做義工就賣過花，好有意義。」
相約黃又南獵艷
黃又南和譚俊彥在電影中飾演一對好兄弟，又南表示早前拍戲弄傷手，令他食慾大減，消瘦不少，故現時要積極養好身體，譚俊彥聞言即取笑他說：「搵個人返嚟餵你啦，早啲講我哋一齊去搵嘛！」
譚俊彥表示情人節會安坐家中，皆因外出消費昂貴，故即使有情人也不會刻意挑選情人節才上街。
採訪、攝影：卓寶花