乘搭巴士短則十多分鐘，長則個零鐘頭，與陌生人共處車廂內，大家最忌發生甚麼？一般人會話最忌冇位坐、有阿叔大大聲講電話、有學生們由上車講到落車、有BB哭不停、電視太大聲、坐喺男人或小朋友前面被他們頂住椅背、身旁人放臭屁、勁咳不掩口、有皮膚病不停搔癢；夏天則忌有肥人坐喺身旁、忌臭汗及臭狐等等。
不過有網民就與別不同，「不精采」居然怕靚女坐喺身邊，因為「好唔自在。」「黎松雅」則鍾意冇位坐「勁唔鍾意有位坐，坐親都有啲暈車浪嘅feel…企就唔同。」「追月翏記」最怕有冷氣「搭親就覺得好鬼臭，好想嘔。」
至於最令人尷尬的莫過於「worthy」所說，「上咗車之後八達通冇錢。」Net人也遇過這情況，身上只有兩蚊雞，惟有坦白從寬，幸好司機好人，容許我下次支付。
http://forum.hkgolden.com/view.asp?message=1121937
《蘋果》網聞請你報料！大家無論在網上網外發現任何騎呢搞笑的事情，
都歡迎提供照片或短片資料。
一經採用可獲酬100元請附姓名、電話及電郵地址，電郵到：mailto:[email protected]