周家蔚與模特兒Carlos日前應沙田新城市廣場邀請，在「春蝶飛舞浪漫花園」拍攝情人節特輯，周家蔚佩戴過百萬元鑽飾與Carlos手拖手拍攝，非常浪漫。
周家蔚日前已出發往湖南拍攝賑災節目《雪中送暖日》外景，她說：「呢個情人節都會喺湖南工作中度過，當地嘅天氣只得攝氏-6度，我媽咪都幫我買咗幾十對手套送畀當地嘅小朋友，對我嚟講呢個情人節特別有意義。」
周家蔚認為情人節較着重男友的心意，她說：「其實送花就一支都夠㗎啦，至於鑽飾就要對方同自己求婚先敢收，拍拖階段從來未收過呢啲貴重嘅禮物。」
採訪：卓美娟 攝影：陳慧安
服裝提供：CalvinKlein
首飾提供：太子珠寶鐘錶
