曹永廉嘅太太姜依蘭喺元旦日誕下囝囝Brandon，唔經唔覺已兩個幾月，日前仲擺咗滿月酒。阿廉話BB當晚雖然對住好多陌生面孔，但都好乖冇扭計，仲成日笑，真係好得人鍾意。踏入鼠年，阿廉一家三口影咗張全家福同大家拜年，阿廉話太太經過休養後，身體好咗好多，問佢會唔會追多個？阿廉即刻耍手擰頭：「奶粉錢唔易賺呀！」