Nokia6210旅行手機<br>尋找巴塞隆拿畢加索

Nokia6210旅行手機
尋找巴塞隆拿畢加索

唔嫌老套，仲識得話香港係遍地黃金嘅話，咁巴塞隆拿必屬遍地藝術之都。像歌德、畢加索等西班牙土產藝術奇才，由細到大聽過N咁多次，但對其作品竟毫無印象，真係冇Taste！唔緊要，今日有俄羅斯美女Natalia帶路，佢會拎住部Nokia6210Navigator，再配以最新Map2.0版地圖及GPS指南針功能，帶我哋在巴塞隆拿尋找畢加索嘅蹤迹。

記者、攝影：陳國輝

GPS藍色星形標誌

嚟到巴塞隆拿，就算唔識西班牙語，亦唔使搞到雞同鴨講問路咁辛苦！6210Navigator內置GPS，並採用最新嘅NokiaMap2.0版，當然唔係齋顯示地圖咁簡單，最勁之處係變身成地圖式指南針，望住部手機好快就會搵到所在位置，比起齋睇地圖容易好多，更唔驚連東南西北方向都分唔清，係真正旅行手機。只要認住機身上有粒藍色星形標誌，佢係GPS快速啓動掣，按一下10秒內即顯示所在位置，再選擇以車載或行路模式之後，基本設定已經搞掂晒。

■喺行路模式內也可設定指定路線。

■機身上嘅藍色星形標誌非常易認。

PROFILE

制式：WCDMA/GSM四頻
體積：103×49×14.9mm
重量：117g
通話時間：2.8（3G）/3.7（2G）小時
備用時間：231（3G）/244（2G）小時
主要功能：HSDPA高速傳輸、GPS全球定位系統、NokiaMap2.0、2.4吋TFTQVGA芒、320萬像素相機

三大Nokia新機同期發佈
N96變16GB電視機

本港用唔到DVB-H數碼電視制式又點，總之部機夠搶眼、有賣點，例如早前N92就算唔知行機會唔會推出，但係班水貨佬點都會搶住入貨！今次N96屬N92升級版，最勁係內置16GB記憶體，另可加插microSD卡，搶閘快過iPhone！至於相機功能也追加到500萬像素，睇得仲好玩得！

■機面新增幾粒MusicKey，擺明主攻多媒體。

■機蓋向上推即見播片掣，同N92一樣。

規格：WCDMA/GSM三頻、2.8吋芒、DVB-H電視接收、500萬像素相機、WLAN

6220c靚鏡配GPS

今次四部新機當中，兩款以內置GPS為主，除咗6210Navigator之外，另一部就係6220Classic。最大分別係機身改為直立式設計，配備更靚嘅500萬像素蔡司鏡及Xenon閃光燈，拍照質素比較高；至於GPS專用掣、NokiaMap等同樣具備，想用全球定位，只要㩒機側嗰粒星形掣就搞掂！

■具備自動對焦功能，仲有防塵蓋㖭！

■用手指公㩒GPS掣最就手。

規格：WCDMA/GSM四頻、500萬像素相機、自動對焦、2.2吋QVGA芒、GPS

N78又玩影像定位

超平滑鏡面設計，再加上按鍵採用極簡約嘅排列方式，感覺有啲似N82咁Tech！但相機方面稍為輸蝕，僅配備320萬像素相機；而HSDPA及WLAN高速傳輸等技術看似走中階路線為主。值得一提係N78同樣內置A-GPS，可透過影相記錄低照片上嘅地圖位置，仲可以Send畀朋友㖭！

■兩側都有立體聲喇叭，聽MP3或者FM都得。

■特設「VideoCentre」畀你上傳或下載影片。

規格：WCDMA/GSM四頻、320萬像素相機、內置A-GPS及地圖軟件、WLAN

繞盡大街小巷尋P記

■1.從MobileWorldCongress會場出發，地圖顯示會途經主街道Carrerd'Entenca。

■2.距離畢加索展覽館約兩公里路程，「車神」Alex不斷望GPS，似乎唔識路喎！

■3.約10分鐘車程後抵達，由於展覽館位於小區內，我哋即時啓動行人街道版GPS帶路。

■4.三尖八角嘅小屋加上古舊建築特色，Natalia忍唔住要影番幾張靚相留念。

■5.終於搵到「MuseuPicasso」指示牌，據居民講，原來整條街都有出售畢加索嘅作品。

■6.Natalia睇見咁靚嘅PostCard、杯杯碟碟同埋畢加索油畫，又忍唔到停低一陣買嘢。

■7.轉出直街之後，終於到達畢加索展覽館！淨係睇外牆咁華麗嘅雕刻已經值回票價。

■8.為求記錄低呢處位置，Natalia開啓相機功能影咗一幅相，自動記錄埋經緯度。

加強版Ovi趕絕iTunes

今年Nokia除咗介紹新機，另一重點竟然係推介Service！唔通Nokia打算轉戰網絡服務？講明白點，其實係宣佈Ovi網站正式啓動，早前介紹過Ovi可提供遊戲、音樂及電影內容下載服務；今次再追加「ShareonOvi」，提供埋一個可隨時上載或單撈多媒體檔案嘅大型平台畀大家，據稱儲存空間多達250MB！對於同樣搞Multi-MediaStore嘅iTunes來講，會唔會受到威脅呢？

■「NokiaMusicStore」歌曲下載收費為每首8毫子英鎊（約港幣$13）。

■當你拍攝完一批「作品」之後，隨時可經「ShareonOvi」上載。

現場花絮

■記者會毗鄰全市最古老嘅百年郵政局。

■嘉賓傳媒近300人，最前排是諾記CEO。

■走廊是拱形建築，燈光氣氛好有Mood！

■呢位場地攝影師用腳架加N82拍攝㖭！