Rosemary帶男友見祖父母 鐵塔賀情人節

Rosemary帶男友見祖父母 鐵塔賀情人節

混血名模Rosemary一向戀愛大過天,雖與男友Christopher的戀情未被母親Julie認同,但依然愛得癡纏。她透露早前趁着農曆新年,偕同男友回祖家法國見祖父母,祖父母更大讚他是goodboy,她更與男友到巴黎鐵塔預祝情人節。

混血名模Rosemary、LisaS.、玩具大王蔡志明一對子女蔡加怡及蔡加贊,前晚現身跑馬地馬場adrenaline,出席預祝情人節的派對,Rosemary與好友LisaS.孖公仔赴會,問到男友Christopher的行蹤時,她表示男友身在巴黎行騷,惟有提早慶祝兩人第一個情人節。

「讚佢係goodboy」

Rosemary笑說:「我哋之前已經去咗巴黎,佢係我第一個帶去見我祖父母嘅男仔,我父母都未算正式見過Christopher,祖父母仲讚佢係goodboy,不過佢哋都冇催我哋結婚,其實此行都好開心,因為好耐冇見過祖父母同叔叔,仲多咗兩個表弟妹。」
問Rosemary與男友有否暢遊浪漫花都?她說:「都上咗巴黎鐵塔同羅浮宮,好難忘。」問她收到甚麼情人節禮物,她笑言:「情人節都係自己過,雖然佢喺巴黎,都唔需要特別打電話畀佢,每日都係情人節。」

蔡加怡(右一)與弟弟蔡加贊(右二)對胞姊加敏有喜一事,支吾以對。

吳嘉龍浪漫慶祝

此外,吳嘉龍已安排了情人節活動,與拍拖七個月的MissKim慶祝,他說:「我會親自整早餐,仲會擺啲玫瑰喺隔籬,同埋預備朱古力蛋糕,因為自己要去考遊艇牌,所以會比較忙,夜晚再一齊食燭光晚餐。」問他會否順道求婚?他笑言:「太早,我爹哋都叫我小心,唔好咁快綁住,最少都要識一年以上,我哋拍咗拖七個月。」
採訪:JessicaNgan
攝影:RickyChan

吳嘉龍前晚與女模合照,他自從與MissKim拍拖後,一改口花花性格。

陳小韻頻頻返內地打理家族生意,甚少出席公開場合。