沈殿霞（肥姐、小圖）噚日仍然喺瑪麗醫院私家病房留院，佢前日已經低調咁遷離深切治療部，相信病情都已經穩定，張徹太太、肥姐胞姊兩公婆（圖）同陳淑芬等，日日都好有心去醫院探訪同送上親切嘅關心，肥姐胞姊離開時話：「佢（肥姐）今日胃口好好，仲食咗粥，佢都好想快啲出院。」欣宜喺傍晚同外籍男友拍住拖去醫院探媽咪，但見到傳媒立即閃避。