陳冠希牽涉的淫照風暴尚未完全平息，適逢香港家庭計劃指導會主辦的「懂得愛．愛得喜」青少年心性教育運動揭幕禮昨日在奧海城舉行，宣揚青少年要對愛建立正確態度，曾與Edison傳緋聞的鄭融也有份出席活動。
靚仔只可做朋友
鄭融說：「每個人觀點與角度都唔同，性教育應該從小學開始灌輸，千祈唔好衝動，亦都唔可以迫，我覺得香港嘅性教育好貧乏，有時連講性教育嘅人都隱隱晦晦，好唔清晰，有啲女仔可能要撞過板、墮過胎先知，好可惜，亦會浪費好多人嘅下半生。」
鄭融在活動上笑言靚仔只可以做朋友，問她日後找男朋友會否剔除靚仔時，她說：「唔關事，靚仔係欣賞佢個樣，自己從來都唔會對靚仔心郁郁同傾慕，吸引我嘅係對方嘅性格，亦都從來未試過一見鍾情。」對於陳冠希將於日內回港交代事件，她說：「過咗18歲已經係成年人，所以要對自己做過嘅事有責任心。」
採訪：駱華齡
攝影：陳偉權