Fallen──近年於板界大熱的新板牌。兩星期的"RIDETHESKY"滑板拍攝中國之旅，希望帶來新鮮感之餘，更想用滑板踩出融會文化的天空。穿梭中國多個地方，街邊多路壆、多欄杆，令一班FallenSkaters踩得津津樂道。有型板手的全情投入為Fallen成功宣傳，同時間更將中國的各地特色帶給全世界，呢啲咪就係叫雙贏囉。
記者：許維雅
攝影：王文忠
部份相片由Fallen攝影師JoeyMuellner提供
一班Zero及Fallen的成員選擇到中國拍片，全因有好多獨特建築物適合踩滑板。ProSkaterSlashSandoval於公園親身示範，利用波浪石壆裝飾表演。睇吓行過推住單車的叔叔都忍唔住豎起拇指大叫頂呱呱。
短片跨越中國多謝晒！
BlackBoxDistribution係全美國數一數二的板仔隊伍，旗下的品牌可以話係板界的No.1。由為人熟悉的Zero及Mystery，到近年冒起、04年成立的Fallen，都為美國大部份Skaters的至愛。為宣傳Fallen這個專業品牌，老闆JamieThomas大搞"RIDETHESKY"企劃，拍攝一系列的滑板短片跟板友於網站（ http://www.blackboxdist.com）內分享，年中更會製成VCD發售。首站的 "RIDETHESKY"選址中國，一行十幾人的FallenTeam於1月尾來港，分別於香港、澳門及中國多個地方拍攝兩星期的各地滑板片段，希望藉此交流世界各地的滑板文化。每張相片及片段都充份流露香港、澳門及中國的特色，以BlackBox於美國的地位及吸引力，必定大大推動我們的旅遊業。我們應該好好說聲「多謝晒！」
「中國啱踩板」
回程前再停香港一日，相約某部份Fallen成員於廟街做了一個簡單訪問。他們都異口同聲大叫今次ChinaTrip感覺新鮮。雖然滑板文化唔及美國強，但中國的街頭石壆、建築物設計都十分適合板仔胃口。板仔唔多的中國，相對地少有對板仔通街玩滑板的限制，感到好奇而圍觀的人多的是，好玩程度一流。利用新品牌Fallen出板鞋而棄用Zero，Joey就解釋了板界於商業上複雜的一面：「要吸納更多一流的板手出鞋，就唔可以用Zero的名字，因為佢哋並非BlackBox的成員，身上有其他的贊助，所以要推出全新的品牌、推出更專業板鞋避免衝突。」
24歲的JoshHarmony靚仔有型，一身皮褸窄褲的打扮跟以往的街頭板仔形象截然不同。他所穿着的就係以佢為名、由他設計的Fallen板鞋。
冇時停的FallenTeam成員GilbertCrockett年紀最輕，只得18歲。對廟街充滿好奇，踩住滑板周圍觀光。
張震嶽都係粉絲
Zero主打出滑板，而04年成立的Fallen就以板鞋為主打，逐漸得世界各地板界注意，更成為台灣板界大熱。就連張震嶽都係一級Fans，經常以全身Fallen示人。最近，香港板店HKIT都立刻引入呢個大熱品牌，除了板鞋，更有多款Tee及Accessories。為多位ProSkater貼身設計的板鞋，最大特色及好處係板鞋厚度剛剛好，既夠厚有彈力，亦唔會因太厚令腳底缺乏跟板面接觸的感覺。
同係板牌的中堅分子的張震嶽，07年12月尾來港宣傳時，跟報紙做專訪，都穿上Fallen的Tee、帽及鞋，全因Fallen於台灣的人氣一時無兩。
店舖查詢：HKIT（28913716）
尖沙嘴加連威老道55號2樓