花旗嗰邊前晚嘅markettalk都係同次按有關，分析員話次按風暴已經蔓延到槓桿貸款。
呢類貸款最多用作私募基金嘅收購，有好多仲證券化賣咗出去，呢瓣𠵱家都話唔掂，涉及資金高達2000億美元，加埋啲債保商隨時被人downgrade，花旗股市想好都幾難，所以前晚佢哋雖然先跌後反彈，昨日港股升得嚟都冇厘神氣，收市前仲要插番落嚟，恒指只升305點，成交仲奀到唔夠700億元，想話轉睇好都唔會有好大信心。
今日內地股市開番，雪災暫告一段落，或者會有好嘅表現，話唔定會帶挈港股炒番轉。
中鐵C輪1683：中鐵（390）昨收9.28元，呢幾日都算係硬淨嘅股份，睇個款想伺機升破10元試11元，可以諗吓隻C輪1683，隻輪昨收20.3仙，有效槓桿3倍，正股升上11元，1683可見32仙，正股跌穿8.6元止蝕。