陳苑淇（Jolie）去年淡出樂壇，改名陳逸璇後正式轉型為模特兒，轉眼半年過去，Jolie坦言對新工作期望很大，她說：「舊年10月簽約，其實都好大期望㗎，過去呢幾個月都係適應期，公司安排好多training畀我，之後先發覺model行catwalk擺甫士同artist有好大分別，要花好多時間去研究。」
開口恨拍拖
早前Jolie趁空閒特地到花墟買花賀年，當日她專揀顏色鮮艷的花，寓意往後的工作都會五光十色。Jolie的新年願望除了身體健康、工作順利之外，最大心願原來是拍拖，她說：「今年好似係重生咁，改咗新名，又轉咗新公司，真係好大轉變。𠵱家公司冇以前咁嚴，做model都可以拍拖㗎。咁我廿幾歲女，有感情滋潤吓都靚啲啦，最緊要新一年事事都順利啦。」
採訪：藍文浩
攝影：葉君海
場地提供：繽紛花藝廣場