【本報訊】「希望呢封利是可以帶嚟好運，可以有奇迹出現……呢個新年真係過得好辛苦！」然而奇迹沒有降臨，換來的是一顆美善的心遺愛人間。少女黃雅芝，農曆年三十當天在秀茂坪遇上車禍重傷，翌日年初一她16歲生日那天，醫生說她的腦幹已死亡。「我個女未死！」黃爸爸和黃媽媽在過去一星期，人人開心過年之際，他倆衣不解帶的在病榻旁邊陪伴女兒，還給了她兩封利是討吉利。直至年初六，他們知道死神真的要帶走雅芝了，才同意拔喉讓愛女離世，並願意捐出雅芝的心臟、腎臟、肝臟和眼角膜。記者：羅日昇、梁偉權、梁洵瑜
「以往新年，阿女都陪住我哋周圍去拜年，佢好乖，街坊都好鍾意佢。」黃父說到和妻子陪伴愛女度過在世最後的七天時，眼泛淚光；黃母則一臉木然，像回憶着往事。雅芝自農曆年三十（本月6日）遇車禍後，被送往伊利沙伯醫院留醫，前日年初六是雅芝短暫人生的最後一天，黃父說：「嗰日雅芝啲手腳腫得好嚴重，我哋好心痛，幾個腦科專家同心臟科專家喺我哋面前再次為雅芝詳細測試，結論都係冇反應。」
全靠儀器幫助呼吸
黃父引述醫生說：「其實雅芝喺意外第二日（年初一雅芝16歲生日當天）已經腦幹死亡，佢𠵱家只係一個軀殼，全靠儀器幫佢一分鐘呼吸14下，唔會多跳一下，同『泵屍』冇分別。」醫生向黃父母解釋過雅芝的情況後，建議他們不如放棄。黃父說：「我哋喺床邊叫咗阿女一分鐘，『雅芝，雅芝，雅芝呀…』既然發生咗，無謂阻住阿女啦。」在黃父母同意後，醫生在前日下午5時35分移除去維生儀器，正式宣告雅芝死亡。
醫生同時問黃父母是否同意捐出雅芝的器官，黃父指女兒生前喜歡幫人，經常做義工去醫院或者老人院探訪，並多次獲得有關機構頒發感謝狀，所以他們一口便同意捐出雅芝的器官：「呢個係雅芝嘅心願。」黃父說：「醫生話雅芝個肺部已經受到感染，唔可以捐出，暫時肯定有用嘅係心臟、兩邊腎臟、肝臟同兩個眼角膜。」當晚，醫生替雅芝的遺體開刀取出有用器官，並於昨晨冷藏轉送瑪麗醫院和葛量洪醫院應用，估計有多人受惠。
封利是望帶來好運
雅芝在農曆年三十早上11時許，在秀茂坪秀明道橫過馬路時，被一輛由23歲新牌女司機駕駛的私家車撞倒，頭部着地身受重傷，送院施手術除瘀血後一直昏迷，翌日年初一是她16歲生日，黃父說：「嗰日我哋封咗兩封利是畀阿女，雖然佢聽唔到，我哋不斷喺佢身邊講嘢，叫佢快啲醒，希望呢封利是可以帶嚟好運，可以有奇迹出現。」黃爸爸形容今年是最難過的新年。
