今日是情人節，郭富城日前自爆約了提早返港的熊黛林（Lynn），更不排除請她今晚欣賞他的演唱會。Lynn拍過幾次拖，但未曾感受過情人節的浪漫氣氛，她早前在銅鑼灣炮製情人節蛋糕時說：「我早年在家鄉南京度過，冇試過浪漫嘅情人節，因為每年情人節都會返屋企，但喺街度都見啲人捧住一束束玫瑰，好似鬥大咁，但我就未收過。」沒有收過大束鮮花，難怪Lynn之前揚言想收99支玫瑰。
自爆暗戀失敗
Lynn自爆讀書時也試過暗戀，她笑說：「我嗰時返高中，暗戀一個師兄，好保守同好怕醜，買咗盒朱古力諗住送畀佢，但係最後都唔夠膽送，最後自己食番。」
Lynn早前學製香橙蘆薈芝士蛋糕，並親手畫上玫瑰花，她說：「平時我都唔得閒整蛋糕，自己整真係唔易，因為要有好多準備功夫。其實男女朋友唔一定到情人節嗰日對你好，平時日日咁開心、講一句說話、抱下你、親一下已經好開心！」
採訪：LawWaiMan
攝影：RickyIp
場地提供：TowngasAvenue