郭富城一連七場嘅舞林正傳演唱會，今日喺亞洲國際博覽館開鑼，張叔平為城城設計咗六個新形象，包括純金打造嘅金箔頭、施華洛世奇水晶贊助嘅50磅水鑽戰衣、濃厚中國味嘅紅金少爺look，效果耀目華麗。城城話水花舞林部份會配合30支水花噴射機，歌迷要做定濕身準備。現場會有五款城城嘅手辦公仔（圖），同埋紀念T恤及帽讓歌迷購買。