鄧穎芝、EO2、范萱蔚及「味之天使」的蘋果何卓瑩（Angel）日前相約到灣仔的太原街辦年貨，太原街是一條比較舊式的街道，反令他們感到十分新鮮，女士們對於一些過年時的小玩意特別感興趣，鄧穎芝還乘機買過年新衫給姪女，認真收穫豐富。
鄧穎芝美國習舞
今個鼠年他們都滿腹新年大計，鄧穎芝希望能夠五月時可以到美國進修跳舞，她說：「學跳舞自己講咗好耐，所以好想今年成事，當然學成歸來最想就係有一首令人記得嘅快歌啦。」
EO2就透露他們正密鑼緊鼓籌備首個演唱會，Eddie說：「𠵱家都搵緊場地，應該會係七月尾八月頭舉行，不過我哋貴精不貴多，所以睇反應先決定開幾多場，總之我哋會由頭跳到落尾。」
採訪：駱華齡
攝影：陳俊強