今天是浪漫情人節，不論男女，都會趁此時向愛侶表達濃濃的愛。名模姚書軼（Mikki）便與男友曾智超（Sunny）一同炮製甜蜜蜜心太軟，男友用火槍整溶牛油時更火花四濺，看來兩人愛意的確熱烘烘。
情人節整朱古力甜品絕對是冧另一半的絕招之一，名模姚書軼早前就與拍拖8年的男友曾智超於新開的意大利餐廳D.Diamond中跟大廚學整甜品，合作炮製了wasabi味的朱古力心太軟。
險火燒廚房
在製作過程中，兩人非常有默契，由學過整甜品的Sunny當主力，Mikki則從旁協助，不過Sunny用火槍整溶牛油時，因太猛火，差點燒了廚房，嚇得女友花容失色，幸而最後都有驚無險，兩人並成功炮製出美味的朱古力心太軟。
與Mikki拍拖8年的Sunny經常有影皆雙，堪稱是模界的金童玉女，原來高大有型的Sunny閒時會鑽研一下廚藝，身為女友的Mikki實在口福不淺，她說：「男友試過整tiramisu同蛋撻畀我食，其實香港拍拖嘅情侶節目唔太多，可以嘗試一齊整甜品，開心之餘又可增加彼此感情。」
等待收驚喜
每年幾乎都在上海過年的Mikki說：「每年男友都會陪我返上海過年，情人節又近中國新年，所以好多年都喺上海過，不過一啲都唔浪漫，年年都係同家人一齊過，所以希望今年Sunny可以畀我surprise，希望佢會喺外灘嘅餐廳訂枱，過一個浪漫嘅情人節。」
採訪：JessicaNgan
攝影：EdwardChou
服裝：Loewe
場地：D.Diamond（圓方）
