【淫照風暴之人心惶惶】疑似藝人淫照風波發展至今踏入第三周，被牽涉的鍾欣桐（阿嬌）前日首度現身，舉行記者會直認以前好天真及好儍。陳冠希另一前緋聞女友鄧麗欣（Stephy），昨日在方力申和導演葉念琛兩位緋聞男友護駕下，親往車公廟上香祈福兼轉風車求轉運，似有心事的她全程笑容僵硬，刻意避談淫照事件；反而方力申則稱讚舊愛阿嬌敢於邁步向前。
自從發生疑似藝人淫照風波後，男角陳冠希（Edison）被揪出七國咁亂的娛圈男女關係，不少與他傳過緋聞的女星心驚驚，繼前日鍾欣桐首度現身舉行記者會後，其另一緋聞女友鄧麗欣昨日則到濠涌車公廟求神拜佛。
金牌娛樂老闆黃柏高（Paco）昨率旗下藝人Stephy及其緋聞男友方力申和導演葉念琛等，齊到車公廟上香祈福。一身深沉打扮的Stephy戴上大墨鏡，似有滿腹心事，笑容牽強，被問到淫照事件時她更表現得小心翼翼，表示曾看過阿嬌記者會的電視新聞報道，問她會否覺得阿嬌勇敢？她平淡地說：「我唔想再喺呢件事上評論咁多，但係一件好事（指阿嬌開記招）嚟嘅。」
稱犯太歲
言談謹慎笑容牽強
阿嬌的「好天真及好儍」言論惹來不少批評，Stephy對此說：「我諗佢嘅說話有佢嘅原因，唔想評論任何嘢。」有網民認為阿嬌應為自己的行為負責任，Stephy則說：「所以佢咪出嚟交代晒。」她又稱沒有和Edison透過MSN聯絡，是否需要面對群眾應由他決定。提到新年願望時，是非纏身的Stephy說：「今年大家開開心心，豬年我犯太歲，希望過年後賺多啲錢，身體健康。」而Paco稱今年會為Stephy再開演唱會。
另一方面，阿嬌的緋聞男友方力申表示有看阿嬌的記者會直播，對於阿嬌是否勇敢，他說：「關於呢件事，冇乜特別嘢想再講，佢的確向前行咗一步。」他又拒絕評論阿嬌的天真言論及Edison是否要負責，只對汪明荃呼籲拍攝者應站出來的說法表示贊成，他說：「呢件事其實影響好大，網上同報紙講呢件事，都進入第三個禮拜，報道太耐啦。作為藝人應該做好本份，就算一個公眾人物得一個歌迷或者影迷，如果做唔好，對自己都有影響，大家有責任將正面訊息傳畀鍾意自己嘅人。」有傳Edison日內將返港，方力申說：「咁大家留意吓啦。」
有消息指阿嬌事發後暫居緋聞男友麥浚龍（Juno）家避鋒頭，對此方力申說：「呢樣嘢我都唔回應。」據知方媽媽和嬌媽相熟，方力申竟支吾以對說：「應該唔係好熟。」但承認阿嬌見過他雙親。阿嬌和方力申傳緋聞時疑仍與Edison交往，一直撐她的方力申即猶豫片刻，不置可否地說：「緋聞嘅嘢更加唔使講，交朋友唔會問對方咁多嘢，唔會知道對方所有嘅私隱。」至於Juno對阿嬌住他家中傳聞，昨透過公司回應：「冇啲咁嘅事。」
維護栢芝
「兩公婆感情冇問題」
有份出席拜神的蘇永康昨對阿嬌開記招一事說：「我兩個字講，堅強。佢係一個好硬淨嘅女仔。」身為霆鋒老友的他曾與張栢芝傳緋聞，對於捲入疑似藝人淫照風波的栢芝被傳與霆鋒鬧離婚，康仔𤷪𤺧地說：「你都知我同佢兩公婆嘅關係，唔方便透露同佢哋講嘢嘅內容，以我識佢兩公婆係仲硬淨，我可以同大家講，佢兩公婆感情冇問題。」對於有報道指霆鋒掟婚戒，康仔說：「唔好作大啲？呢啲嘢係蜚短流長。」康仔認為栢芝是否需要站出來是個人選擇，最重要是她覺得舒服，至於Edison是否要公開見人，他謂：「每個人識得處理自己嘅事，唔係話發生咗事，個個走出嚟就會冇事。」
採訪：馬建華 攝影：陳志嵐
話你知：千絲萬縷關係圖
金牌唱片旗下不少歌手（紅圈示）其實都與今次淫照風波的疑似主角關係千絲萬縷，實在不得不說句「剪不斷，理還亂」。
