葉翠翠於05年奪得港姐后冠加入娛樂圈，她頗滿意去年豬年的成績，她說：「𠵱家只係起步階段，我希望拍多啲劇，做多啲唔同嘅工作，等啲觀眾除咗記得我係港姐外，仲記得我做過啲乜嘢。」
置業報答父母
早前葉翠翠到黃大仙祈福，更求得上上籤，她說：「我都知雖然係求到上上籤，都要加埋自己努力先有用，我最希望係所有人都身體健康，尤其係我媽咪啦。來年嘅目標係置業，𠵱家爸爸同媽咪都冇做嘢，梗係想佢哋生活過得好啲。」
葉翠翠早前獲麥玲玲贈言來年有桃花，她表示目前未敢再闖情關，她說：「想就周不時都想嘅，不過要唔要又係另一回事，事業先喺起步階段，冇理由咁快結婚生仔，唔想之前嘅努力白費，出嚟做嘢總要面對唔開心嘅場面，不過我會同自己講記住呢種感覺，警惕自己要更努力。」
採訪：卓美娟
攝影：陳順禎