疑似藝人淫照風波，哄動中港台，更連韓日美等地都有報道。娛樂圈中人雖然人人關注，但也希望事件早日結束。黃宗澤：「我收email，如果見到個名唔多妥我都會delete，因為我唔想睇到啲相，話晒大家都係同行。我覺得件事夠啦，希望盡快結束。」
「我當然擔心佢」
陳百祥指自己沒有聯絡過陳文媛（BoBo），他說：「我冇佢電話，話晒都唔係一件開心事，所以我冇任何睇法。至於BoBo以前都話晒係我個女，我當然會擔心佢啦。」
張達明則覺得影閨房照留念冇問題，但要處理小心，他說：「啲相我都有睇過少少，冇再追落去。年輕人閨房事係冇問題嘅，但係要小心處理，影冇乜問題，只係性生活裏邊留念，所以問題唔大，係處理有少少疏忽。我睇到個心好噏，因為返唔到轉頭㗎。佢哋個個都係廿幾歲，人生仲有好長日子要過，𠵱家點去面對呀。特別我自己都係為人父母，睇到啲相更加覺得慘。」
採訪、攝影：李珮洳