既有性感美女助陣，戰鬥畫面又以爽快、血腥見稱，當然諗起《Revolution》系列。最新一集將會跳上Wii作平台，玩家除咗可以享受到血腥刺激的打鬥場面外，當然唔少得利用Wii首創體感操作，全情投入於遊戲內揮雙刀的斬殺過程！
記者：許福合
畫面血淋淋
繼承本系列故事，玩家控制以主角阿彩為首的四名美女角色戰鬥。因受古代神秘血統「忌血」影響，只能以斬殺為目標，遊戲玩法要玩家用刀劍對湧來的殭屍作攻擊。Wii亦當然不少得阿彩這位性感女角，經常可以見佢衝入亂軍之中斬殺，保留「血肉橫飛」的遊戲特色。在戰鬥中經常會出現血腥場面，見到敵人身首異處已經係小兒科，當玩家每次斬殺敵人，都會出現標血特效，加上新一集畫面細緻度有所提升，啱晒不見血不收手嘅玩家！
Wii體感爽快
Wii體感操作對這類動作遊戲，最能改進感覺。與前作用手掣由頭斬到尾不同，玩家進行戰鬥時，只需要揮動Wii手掣及雙截棍控制器，就能使出唔少招式攻擊。最簡單常用就係刀劍斬殺，亦可攞出威力強大雙刀，施展「酷組合」、「狂亂艷舞刃」等攻擊，有需要時亦可由二刀流改為攻擊速度快單刀甚至以拳出招，變化多多。不過隨住角色成長會學懂使用連續技，玩家記得苦練連續技招式，可大大提高攻擊威力。
保留識破系統
今集基本系統其實得到保留，最重要是「識破」系統仍可使用，玩家睇準時機按下按鍵，角色就會進入識破慢動作狀態，施展威力強大招式。另一特別系統為「忌血」，當角色攻擊敵人時，若損傷對方就會被血液噴到，當接觸一定數量血液就可以開啓一直被封鎖的「忌血」力量。這時角色進入狂暴狀態，攻擊力同速度會大幅提升，不過體力亦同時會減少，所以控制進入狂暴狀態成為勝負關鍵。
Profile
主機：Wii
類型：動作
廠商：D3Publisher
遊戲人數：1-2人
售價：$450
查詢：I-Gamer（27253338）