【本報訊】小羔羊的確長大了。2006年，鍾欣桐被雜誌偷拍得露胸圍帶的側面照，翌日即接受訪問，聲淚俱下，指事件是她的人生污點，無法面對小朋友；一年半後淫照風暴爆發，事件擾攘兩周，鍾昨日現身交代，冷靜又淡定，以受害者姿態默認做錯，獲得公關界肯定。
前年遭偷拍哭紅雙眼
雜誌《壹本便利》06年8月22日刊登鍾欣桐在馬來西亞雲頂登台時，在後台更衣時的露胸圍帶側面照片，鍾其後每次現身都哭得雙眼紅腫，要中斷訪問拭淚，她當時指照片是一件醜事，令她留下陰影。她又說不知如何面對年輕的歌迷：「Twins入行唔係好耐，幾年間我哋好努力建立形象，我哋係好多小朋友嘅偶像，但呢件事好影響我哋嘅形象。」
資深公關尹美玉認為，阿嬌昨日雖然沒有確認相片真偽，但默認做錯，以受害者姿態出現，英皇的公關技巧可算成功，「佢唔係認做錯乜嘢，係件事已經發生，佢被狙擊，係受害者，面對危機，能夠塑造出受害者嘅形象係成功嘅做法。」
她又指，若阿嬌一日不現身，傳媒只會繼續追訪；英皇今次選擇以軟性手法解圍，算對公眾有交代。尹認為不安排記者提問，旗下藝人就事件封口，做法正確，「行內有句話，叫做越描越黑，講啲唔講啲，就會令人再挖落去，佢輕描淡寫，釋放咗件事，就會告一段落。」