薛家燕（好姨）雖然經常出埠工作，但每次均行程匆忙，未必有時間四出遊玩，辛苦搵來志在玩的她，早前特別帶同兩個女兒到泰國旅行充電，三母女在當地變身大豪客，除住宿3,000呎的酒店大套房外，又包場舉行派對，但連購物消費才花了約5位數字，令她大呼物超所值。 撰文：比華利
薛家燕平日工作忙碌，自從3名子女分別到美國升學和工作後，一家人每年團聚的時間相應減少，去年7月好姨的幼女石耀珠和兒子石耀庭返港度暑假，長女石祐珊又從美國回港探親，於是她便安排全家人一起到泰國遊玩，共享天倫之樂，可惜臨行前兒子決定要返暑期工，最後只剩下三母女同行。
露台飽覽美景
這次泰國自由行，好姨希望讓一對女兒可以盡興而返，決定做大豪客，實行豪住豪玩兼豪食到底，她說：「始終我對泰國唔係咁熟，我搵咗有泰國通之稱嘅胡慧冲幫我安排住宿同行程，我只求大家玩得開心。」
好姨一家入住5星級酒店LebuaatStateTower面積3,000多呎的套房，她說：「房間佈置好舒適，酒店每間房都有大露台，可以飽覽曼谷市同湄南河景色，一望無際，尤其係夜景，真係好靚。」
到泰國除了吃喝玩樂，好姨認為不能錯過到曼谷的SiamNiramit劇院看騷，她說：「每晚都有一個騷係以泰國歷史背景做題材，演員服飾好豪華好靚，佈景又好有氣勢同特色，最值得一讚係有一幕同河有關嘅故事，佢竟然出現好似真河嘅場景，幾可亂真，好壯觀，睇到觀眾眼都唔眨。其間仲會有大象出嚟同觀眾影相留念，嗰啲大象好馴服，對慣鏡頭影相，一啲都唔怕醜。」她透露欣賞長約45分鐘的騷，每人消費約400港元，但內容精采，絕對值回票價。
「比香港平一半」
香港不少女士愛到泰國購買胸圍，貪其價廉物美，好姨三母女也沒有放過這機會狂掃內衣，她說：「我哋買咗成篋，比香港平成一半，好抵買。」問到這次超級豪華團埋單是否很昂貴？她說：「大約5位數字，算好抵玩，只要一家人開開心心，使幾多錢都值。」
話你知：百年古屋改建Naj餐廳
好姨在泰國光顧一間名為Naj的餐廳，與長女石祐珊（右）和幼女石耀珠（左）豪食美味的泰菜，她說：「嗰度前身係一間百年古屋，有個地下防空洞，𠵱家改咗成為藏酒嘅地方，我聽講餐廳前身仲有領事住過。我哋嗰日包咗一間VIP房，大約2,000港元就可以開party，大家玩得好盡興。」
話你知：DivanaSpa浸得又食得
不少人喜歡到泰國浸Spa，享受幽靜環境，把平日的生活壓力洗得一亁二淨，好姨大讚Divana的Spa享受一流，她說：「每人嘅消費大約500蚊，除咗可以舒舒服服浸Spa同按摩，仲有豐富下午茶供應，真係抵到爛。」好姨的兩個女兒分別浸了玫瑰浴和牛奶浴，事後異口同聲指皮膚光滑了不少。
