花旗股市近日表現反覆，但喺低位算係靠穩，道指上周五雖然跌咗64點，但係唔算好多，納指仲有得升，對於今日港股唔算利淡。
至於日股嗰邊，因為系統故障，上個禮拜五冇情情跌咗189點，如果今朝早追番有關跌幅，港股應該可以開出一個上升嘅鼠年紅盤。
不過，港股𠵱家仲係好波動，恒指24000至24600阻力區嘅壓力好沉重，短炒發新年財都係見好即收安全啲，如果話短中線仲可以諗嘅，離唔開地產股。
新地C輪3885：新地（016）上周三報收139.5元，最低見過136.1元，挨近135元嘅新地其實好吸引，現價短炒可以博正股升番十零蚊，可以諗吓隻C輪3885。
隻輪上周三收15.3仙，有效槓桿4倍，正股如果升10元同15元，3885估計有3成同5成進賬，正股跌穿133元止蝕。