軟硬天師林海峰（Jan）及葛民輝昨日以一身賀年look，到鰂魚涌麥當勞向員工及顧客拜年，二人更大派禮物，吸引了不少市民圍觀。阿Jan表示新年期間多數都是留在家中預備即將舉行的talk騷，他說：「呢兩日我一半時間度稿，一半時間冬眠，其他時間就派利是。不過今年派利是嘅數目破咗咁多年紀錄，我派咗唔夠1,000蚊，因為我冇乜出過街。」
阿葛日日團拜
至於阿葛就指近兩日都是與家人吃飯團拜，他所派的利是金額暫時比阿Jan多一點，他說：「我都係派咗1,000蚊多啲，派得最多係畀屋企啲細路，因為我阿哥啤咗好多件細路㗎。」阿Jan及阿葛昨日到八個不同地點的快餐店派禮物。
採訪：李珮洳 攝影：陳慧安