鼠年第一次同各位讀者見面，先祝大家財源廣進，心想事成；記得細個過年冇咩節目，除咗老竇打莊，成家人玩吓大細，年初二睇吓煙花；出街舖頭10間有9間唔開，電視節目又老土，只可用個「悶」字嚟形容。
今時今日，過年節目就多選擇好多，基本上要shopping有shopping，想煲碟有煲碟；而且歐洲球壇不受中國過年影響，點都有波踢。年初四就有曼徹斯特打吡戰，曼聯首循環輸波，呢次唔衰得，不過艾歷臣有心部署，應該唔會好似上仗對阿仙奴輸得咁甘，形勢緊湊，博入球「細」好過。
大細：曼聯細
心得：曼市打吡踢得緊
近5場往績：贏贏輸贏輸
牽牛
施丹退休，頓感失落，期待阿仙奴的法比加斯他朝有此神乎奇技。