「新年唔抄牌㗎！」相信不少車主都誤信過這個新年神話，朝日太太就是誤信讒言致「大年初一就衰咗！」她前往拜年但停車場滿座，見附近有「周街泊」車龍，於是跟風違泊，當晚即被抄牌，她埋怨說：「最衰啲世叔伯話新年一定唔抄！」
goat一語道破，「唔抄係人情，抄係道理！」眾網友續潑冷水，heiheikwok說：「邊個話一定唔抄，試過全村抄晒！」silvia_ng也有同感，「一抄就四個差人分散抄幾十架，架架車都派利是。」
mrsdoh最豁達，「當派利是俾警察啦！可能你一張拯救佢今個月業績。」晴b媽較持平稱：「睇住警察由街尾掃上街頭，但啲車有位又唔泊，令小路大塞車，抵抄啦！」有網友提醒「月頭會抄多啲。」
Net人認為，為省泊車費及方便而以小博大，分分鐘得不償失呢！
http://forum.baby-kingdom.com/viewthread.php?tid=1293050&extra=page%3D3&page=1